A UNA AMIGA

------------

Non t'incantet o bella,

su rumore De zittades festosas e galantes,

Né t'ingannen sos modos elegantes

De calchi bellu imbustu balladore.

In mesu a tantu lussu,

senz'onore Abbundant sos falsarios birbantes,

Chi si dan volontarios amantes

Ma chi mai provadu hana s'amore.

In cussa zente est finta ogni dulzura,

Bòcchidi s'aera issoro profumada,

De misteru piena e de calura.

Tue de s' adde virde chi ses nada

Ama sempre s'aera frisca

e pura Ama sa paghe rustiga e beada.

----------------------------------------------------

Antioco Casula -Montanaru